Hanggat naghihirap ang aking bayan,

ako'y mananatiling naghihirap kailanman

dahil ako ang ugat ng kahirapan

sa pamamagitan ng aking

pamamagitan sa mga tao

ng mundong aking ginagalawan.

ang lahat ng ginawa,

ginagawa at gagawin ko

ang dahilan ng kahirapan.

ako na parang ikaw.

kahirapan

dulot ng kawalang bahala

sa aking lipunan,

sa aking bayan.

maari akong magdahilan,

lubos marahil ito'y mga hamak salita nga lamang.

ngunit alam kong sa likod ng dahilan

ako'y may magagawang paraan,

at kung hindi ko gagawin ang makakayanan.

mananatili ang kahirapan...

...at mananatiling ako ang dahilan.

-Macario Lamat