Hindi ko sana nais

na sayo'y mainis.

Ngunit sa isang bigkis

ng oras na kay bilis,

isip ko'y nalihis

at dito'y dumaplis

ang galit na labis.

Gusto ko sanang gumawa

ng malinis na tula

upang magpakawala

ng damdaming masama.

Ngunit nawari ko bigla

na hindi yata tama

na ang aking mga akda

ay puro ikaw ang paksa.

Isa pa'y ayoko na rin

na muling alalahanin

ang anumang naging "atin"

sapagkat alam naman natin

na ang pagpilit kong ika'y limutin

ay isa pa ring malaking suliranin.

Kaya't ako'y iiyak ngayon

sa huling pagkakataon

habang ang alaala ng noon

ay unti-unting ibabaon.

Iiwan ko na ang kahapon

at hindi na muling lilingon.

*  Isang tulang walang sukat, walang ritmo, walang porma, walang saysay.