Kung ang WALANGHIYA ay walang modo o makapal ang mukha, at nag-aalinlangan o walang lakas loob ang NAHIHIYA, eh ano naman ‘yung NAKAKAHIYA?

Para sa akin, ang nakakahiya ay maaring magsalarawan sa mga pangyayari kung saan ang tao ay napahiya o sa mga bagay na ginagawa ng tao na dapat lang talaga ikahiya. Doon sa unang interpretasyon, ‘pag napahiya na ang isang tao ay pwedeng mangiti, maiyak, mapakamot sa ulo, o kaya’y mamutla. Sa pangalawa naman, ginagawa lamang ito ng mga taong wala talagang hiya at yung iba manhid na’t di na tinatablan ng hiya, in short—makapal ang mukha!.

Natural na sa tao ang mapahiya. Minsan nga tinatawanan na nga lang natin ito. Madalas na tayo makarinig ng kuwentong nakakahiya tulad ng nadulas (lalo na habang rumarampa), bukas pala ang zipper, baliktad ‘yung damit, naihi sa salawal, lumobo ang sipon sa kakatawa, at marami pang iba. At bilang karagdagan , gusto kong ibahagi sa inyo ang ilan sa-

Pinaka-nakakahiyang pangyayari sa buhay ng tao (base sa totoong karanasan)

ANG PASADOR, BOW!

Nahulog nahulog! , ‘yan ang sigaw ng kaibigan ko habang pinagmamasdan ang sanitary napkin sa daan. Nahulog kasi ang pasador ng babae sa gitna ng kalye habang naglalakad ito at suot ang bonggang-bongga na palda. Parang walang nangyari, deadma lang at lumayo na lang nang pagkalayo-layo yung babae.

-----------(dapat kasi with wings)

PANTE DE PARDIBLE

Paano ko ba makakalimutan ang eksenang ito(highschool pa lamang ako nito): papasok na sana ako ng gate ng school namin, nang makita ko ang isang babaeng nahubo ang suot na panloob. Pababa siya noon sa jeep, eh kumuwala yung pardible kaya hayun kitang kita ko kung paano niya mabilis na itinaas nalang ulit ang panty niya.

-----------(karayum lang katapat niyan)

ANG MAHIWAGANG UTOT

Sa gitna ng meeting ng mga kagalang galang na tao, seryoso ang lahat nang may biglang nagpakawala ng mahiwagang utot! At para hindi obvious na guilty, naki-pahid pahid na rin ng ilong yung salarin.

----------(sino kaya yung suspect??)

AGANDA LALAKE ABAHO ATAE

Habang nagbabyahe, inabot na si boyfriend sa bus at‘di na napigil pa ang tawag ni kalikasan hanggang sa natae na nga sa kinauupuan. Kasama niya noon ang girlfriend niya. Kaya itong si gf, syempre todo support to the highest level kumbaga, inubos ang dalang pabango at alang tigil sa kaka-spray sa paligid ng upuan nila at sa pants ng bf niya.

-----------(swerte sa syuta!)

PA-ORDER: PORK STEAK, PLAIN RICE, W/ PUSTISO ON THE SIDE

Pustiso ng isang serbidora nahulog sa plato ng customer. Panay kasi ang kwento nya sa isang kasamahan at nalibang na ito sa kakadaldal na may kasama pang halakhak, kumuwala tuloy ang maluwag na pustiso niya. Napa “kadiri!” na lang yung umo-order at muling ibinabalik yung kawawang plato sa babaeng serbidora.

----------(zaraaaap nun!)

CUT! CUT!

Ayos na sana ang eksena., naglalabing-labing na ‘yung mag-asawa nang biglang may nag- prrrt!!! Nautot si babae sa kalagitnaan ng umaatikabong romansahan. Nadismaya tuloy ang ka-partner niya, kawawa naman.

-----------( ay bitin..)

BABAE PO AKO..

Itong si Lady pumasok sa c.r. ng lalake. Maghuhugas na lang naman sana ng kamay pero laking gulat niya nung may pumasok ring dalawang mama. Naligaw pala siya at men’s room ang pinasok niya.

-----------(wow mali!)

SINO PO KAYO?

Late na naman ang isang estudyante kaya dali-daling pumasok sa room at naupo. Sa banding dulo ng upuan siya pumwesto, ang kaso maling section ang pinasukan niya. Tumingin-tingin sa paligid at nung napansing kakaiba ang itsura ng mga kaklase niya…labas kagad siya habang putlang putla ang mukha sa hiya.

-----------(huwarang student kasi)

IGIGILING (2x) , IGILING MO HANGGANG SAPLOT AY MAWALA

May program sa iskul ang mga esudyanteng nasa elementarya. Sa stage, habang ganado sa paghataw ang lalakeng bata, biglang natanggal ang costume (pantalon) niya. Kitang kita tuloy ng mga audience si little manoy sukat ba namang kalimutang magsuot ng brief.

----------(atungal siya ba )

OH, KAYA MO YUN?

Isama ko na po ‘yung sarili kong karanasan. Ito ay yung tagpong sumemplang ako, hindi sa tagong lugar kundi sa gitna ng kalsada. Ang daming mata ng mga madlang people .. ‘nak ng putakte!, ganda pa naman ng porma ko pang “visor”, disenteng disente. Tumayo agad ako’t hindi makapaniwala sa nangyari at para bang ako’y nananaginip lang hehe. Pagkayari’y tumingin na lang ako sa kanila at bahagyang ngumiti.

----------(sira poise ko)

Teka, kung ang mga sumusunod ba ang mangyayari sa’yo o gagawin mo—hindi ba dapat mas lalo kang mahiya? dahil ang mga ito ay sadya naman talagang nakakahiya.

* Nasa dyaryo ka nga, biruin mo pang front page pa! Kaso ang pamagat ng article: MAGNANAKAW NATIKLO!.

----------(aba sikat!)

* Picture time na at naka-todo lipstick ka pa, may hawak hawak kang karton at doon nakasulat ang mga katagang SHOPLIFTER-HUWAG TUTULARAN.

----------(rexona roll on po yung tinira niya)

* At ka-join force ng mga magnanakaw na ito ang mga buwayang pulitiko, mga banal na aso, mga taong mapang-abuso sa kapwa, mamamatay tao, manggagahasa, mangongotong, mga illegal recruiters, mambubugbog ng asawa’t anak, at kung sino sino pa.

----------(NAKAKAHIYA ‘yung mga WALANGHIYA, hindi na talaga NAHIYA!)

Hay…nakakahiya man ang mapahiya, dapat nating tandaan na tayo’y pare-pareho lamang na tao. Aba kung hindi ka pa nakakaranas mapahiya, mapalad ka o kaya nama’y isa kang alien! (hehe). Di bale, ang importante wala kang ka-walanghiyaang ginagawa sa iyong kapwa—aprub na ‘yun ke Lord.

Eh ‘kaw ba?, ano ang pinaka-nakakahiyang pangyayari sa buhay mo? Mag-share ka naman. (Uyyyyyyyyyy nahihiya pa siya, NGEK!).