may himig lambing itong ihip ng hangin

gabing ang buwan may liwanag na angkin

liwanag na tanglaw,sa mata'y nang-aaliw

ang iyong gandang akin ngang nababatid.

buntong hininga ang pinapawalan

panaginip ata tuwing ika'y pagmamasdan

dito sa malayo ikaw ay tinatanaw

maaari bang sandali,ihinto ng magpakailanman.

paumanhin kung di ako nakikipagsapalaran

ayoko lang kasi hapdi ng puso'y madadagan

sa paano lupa't langit itong ating pagitan,

ihihiling na lang kita sa ating maykapal.