Hawak mo...

ang ilaw na aandap andap

patuloy sa pagkislap

tulad ng bawat pangarap

Nasa iyo...

ang liwanag na gumagabay

sa bawat pakikibaka

isang lingon lang sayong kulay

Sa bughaw mong langit...

at puting buhanginan

malinaw na karagatan

pusong hapo ay may hihimlayan

Patuloy sa pagkampay...

walang sawa ang paggaod...

at tuloy sa pagbalik;

sa iyo ay hahalik.

At di man magtagumpay

ang pusong nasabik

yayakap sa iyong aninag...

na walang kapalit