Normal 0 false false false st1\:*{behavior:url(#ieooui) }

Anyo ng Gabi

ni Dap-ay Sapata

06 July 2003

Malalim na ang gabi

Lumulukob ang hamog sa nakatayong bundok

Mga awit ng insekto, ritmo ng mga sanga

Dagundong ng ilog, bulungan ng mga lamok

Hubad na nakalantad maaliwalas na kalangitan

Nakasabit na mga tala, liwanag ng paligid

Minsan ay ipinagdadamot ng malambot na ulap

Sa mga naglalakbay na pulang mandirigma

Gaano man katagal lumisan ang gabi

Pagod at hirap man sa atin ay umatake

Hindi magiging balakid kadiliman ng gabi

Upang ating lakbayin sangandaang landas

Tungo sa hangganan ng maaliwalas na bukas.#