Tumatae ako noong una kong marinig ang tugtog na “wag kang maingay may naglalaba” ng Radio active Sago project—ang kulit ng kantang ito, sabi ko pano ba naman nasa kasarapan ako ng pag iri ng sa bandang huli ng kantang ito may paulit-ulit na lyrics na nasa 5 minuto ata ang haba akala ko tuloy nasira and plaka…teka CD ito a, sira kaya ang player? Tama ba ako ng dinig? Bakit paulit ulit yung huling lyrics nito? Baka naman sobrang iri ko umabot sa tenga ko yung hangin na dapat sana sa pwet ko lalabas kaya kakaiba na pandinig ko sa likod ng pintuan ng banyo?

Wala, tapos ko maghugas at mag flush ng banyo (naks di ko nakalimutan mag flush ha!) takbo agad ako para tingnan kung bakit nagkaganun, yun pla istayl lang yun ng bandang ito. Galing talaga ng Radio Active Sago Project, sila lang ang tanging banda na naka istorbo ng pagtae ko kasi yung ibang banda natatae ako pag pinakinggan ko e pero sila baligtad, naisitorbo nila ang “otherwise my most sacred ritual in life.” At habang inaamoy ko pa ang kamay ko (para alamin kung nakapag hugas ba ako ng maigi) inulit ko ulit ang pagpapa tugtog mula sa umpisa.

Bigay sa akin ito ng aking Significant other ngayong bertdey ko (singhot…singhot) kasi kung ako lang kahit piratang CD di naman ako makakabili e, at isa pa di ata pinag interesang kopyahin ng mga pirata and CD ng Radioactive Sago, wala ata bibili e kahit ibenta nila ng palugi.

Ang tindi ng instrumental na “Bad Motherfucker” nakakaiyak! Totoo yan ha walang istir, napapahid ako mg luha naalala ko yung mga araw kung pano ko pinipisa yung tumubong pigsa malapit sa pwet ko, naiiyak ako dahil hindi sa sakit kundi sa katangahan ko, sukat ba namang mapagdiskitahan kong pisain yung pigsa ko e wala naman akong bulak na hawak? e naka dungaw na yung nana Pano ako bibili sa tindahan ng nakalabas yung pisngi ng pwet ko? Naiyak ako alala ko pa…

Bukod sa Up Dharma Down, itong si Lourd De Veyra at ang banda niya ay isa sa mga Orihinal na pinoy na kahit di naman talagang Orihinal ang tugtugan ay masasabi na ding Orihinal, kasi hindi sila peke—Tama ba? Pero in pernes ulit gusto ko ang music nila, hindi namumutiktik ang mga lyrics nila ng salitang “puso” o “sinta”, at iba pang nakakapagtaeng salitang kadalasan mong madidinig sa kantang pinoy. Ang isa pang kinagustuhan ko sa album na ito (Urban Gulaman) ay hindi mo ito pwedeng Makita sa mga videoke, Sus! Malaking bagay sa akin yun kasi hindi ko maririnig ang kanta nila na kinakanta ng bwisit naming kapitbahay na may “corrugated” na dila habang may full blast na volume.

Sana balang araw kunin ng Immodium and bandang ito bilang endorser nila magaling silang Loperamide e. Pero nag iisip din ako tapos pakinggan ito, di kaya si Lourd De Veyra e di talaga marunong kumanta? Katulad lang siya ng ibang mga rapper dyan na itinatago lang sa “genre” ng tugtugan nila at sa “style” ng music nila ang kakulangan niya sa pag lapat ng tono? Kasi di ko alam kung kanta nga ba ang kinakanta ni Lourd e, mukhang tula, pero di naman rap, mukhang kanta pero mukha namang tula—magulo! Naisip ko tuloy mabuti pa si Ely Buendia kahit pangit ang boses at boses lata ng sardinas kumakanta naman talaga, si Lourd di mo tuloy mapuri pag ininterview ka ni Lar Santiago sa showbiz happening pwede mo kaya sabihing “ang galing-galing niya kumanta…ay tumula pla…ay mag rap?

Galing talaga! Wag ko lang sanang maririnig sa katulong ng kapitbahay namin na kinakanta yung “Astro Cigarrette” okey na ako. Teka magsabon muna ako kamay.