BABALA – Magsusuot Ako ng Lila Kung Ako ay Lipas Na
Babala – Magsusuot Ako ng Lila Kung Ako Ay Lipas Na
(Salin sa Warning - When I Am an Old Woman I Shall Wear Purple ni Jenny Joseph)
Magsusuot ako ng lila
kung ako ay lipas na
may ternong sumbrerong
pula na baduy sa panlasa.
Sustento ay sa kandila,
guwantes at serbesa
mapupunta, at sasabihing,
wala nang pera para sa mantikilya.
Uupo sa aspalto kung hapo,
sasabsabin ang mga patikim,
at ang mga alarma ay pipindutin,
ang baston ay sa barandilya
padadaanin, at aking babawiin
ang mga ginawang pagtitimpi
sa nakalipas na sandali.
Sa ulan ay lalabas nang walang
tsinelas, pipitas ng mga bulaklak
sa hardin ng may hardin
at ang pagdura ay papraktisin.
Maari na ring kalimutan ang diyeta
at lumulon ng tatlong librang
longganisa o buong linggong
kumain ng tinapay at atsara.
May rason na rin para mangolekta
ng bolpen, lapis, mani,
at anik-anik sa kahita.
Ngunit sa ngayon, kailangan
munang maging huwaran
sa mga kabataan, manamit
ng kapita-pitagan, magbasa
ng pahayagan, hindi magmura
at magbayad ng renta
at maghanda ng salu-salo
sa mga kakilala.
Ngunit nararapat yatang
ako ay magsanay na
nang hindi na magtaka ang iba
kapag ako ay lipas na at suot ay lila.
28 - Agosto - 2011
Original Text
Reya
» login to post comments | 532 reads
!
Submitted by Rhea Stone on September 1, 2011 - 8:12pm.
Salamat po nang marami sa pagtatama. :)
Gusto ko po talagang maging dalubhasa sa ating wika.
Kuya, ginamit ko po ang maikling 'ng' sa salitang 'pera' dahil inakala ko po itong pangalan. Hindi po ba pangalan ang 'pera' sa tula bagkus ito ay pang-abay?
Itinama ko na po ang mga maling baybay. :D
Salamat po ulit nang marami.
» login to post comments
Gusto ko yung tula! Kasi
Submitted by RJ Santos on September 1, 2011 - 6:29pm.
Gusto ko yung tula!
Kasi (kahit na galing to sa perspective ng isang babae), ikinikwento nito yung mga inhibitions natin sa buhay at kung kailan takipsilim na ng buhay natin saka lang lumalabas ang mga ito. Pero, ang gusto ng makata, magpractice na ngayon para wala nang magulat pa sa mga gagawin niya pagtanda niya. Galing!
» login to post comments
!
Submitted by Rhea Stone on September 1, 2011 - 8:07pm.
Yey!
The persona in the poem wants freedom from responsibility and freedom from the norms of the society.She thinks that she can only find the courage to behave in that way when she is an old woman (kasi less pansin na 'ata kapag old na tayo???)
» login to post comments
di naman mas pansinin nga
Submitted by Starblaze on September 2, 2011 - 8:50am.
di naman mas pansinin nga kapag old na..kaya nga dun nag umpisa ang salawikain na "tumatanda ng walang pinagkatandaan"
maganda ang pagkakahalaw ng tula..at ang lila din ay tumutukoy sa "dead color" na kung saan nagpapahiwatig na wala na itong buhay..kupas na..napaglipasan ng panahon..o namayapa na.
Starblaze, Bh.D. (Doctor of Broken Hearts)
Dakilang mangingibig, malikot ang isip (at kamay)
» login to post comments
!
Submitted by Rhea Stone on September 4, 2011 - 2:24pm.
Purple is the color of womanist.
Yun ay ayon kay Alice Walker at sa kanyang librong "The Color Purple". At kung ating susuriin sa ganitong kritisismo ay mababasa rin natin na ang tula ni Jenny Joseph ay isang pagbasag sa pamantayan na dapat ikilos ng isang matandang babaeng may edad na.
» login to post comments
pakialamero talaga ako
GAYA ng naging mga dalubguro ko, likas akong pakialamero: dapat ay nang pera at hindi wala ng pera. Ang nang dito ay tumutukoy sa kalagayan o pamanahon (panahong ng kawalang salapi).
Sa pagkakaalam ko, barandalya at hindi barindilya ang handrail? Mula kasi ito sa salitang Espanyol na barandilla.
Dapat po ay salu-salo at hindi salo-salo. Sa Filipino, nagiging "u" ang "o" kapag nauulit ang salita. Hb. Lutu nang luto o kaya: Lutung-luto.
Iyon lamang at maganda naman ang pagkakasalin ng tula, binibining kayganda. ;)
“Write in such a way as that you can be readily understood by both the young and the old, by men as well as women, even by children.” - The Great Uncle Ho (1890-1969)