Tapos na naman ang taon. Rapido talaga! Ano ba nangyari?

Bebot, chicks, chikas, chiching, chikabambam at kung anu ano pang tawag sa mga babae na naiimbento ng mga taong manyakis at adik sa kanto. Para sa ibang lalaki, ang mga babae ay minamahal, inaalagaan, pinagsisilbihan, ginagalang, ginagawang prinsesa, hinahalikan sa paa at niroromansa ng walang katapusan. At sa iba naman, ang babae ay pampalipas oras, ginagamit, nilalaspag, inaanakan, pinaglilinis ng kubeta, pinaghuhugas ng pinggan, pinabibili ng meryenda sa kanto at iniiwanan lang.

Sa mundo na ating ginagalawan, masakit at nakakatae mang isipin na, hinuhusgahan tayo ng ibang tao base sa kung ano ang itsura, porma, trabaho, kumpanyang pinagtatrabahuhan, laki ng sweldo at pag-aari natin.

Nabigyan ako ng pagkakataon na makapagtrabaho sa isang kumpanya na may mahigit isang libong empleyado na makakahalubilo mo gabi gabi. Masaya, marami kang makikilala. Meron kang makakasundo, makakaaway, makakainuman, magiging syota, makakasabay umuwi, masisibak, makakasindihan, uutuin, kakairitahan, makakalandian, bobolahin, gagaspangin, hihingan ng yosi, yayayain mag date, uutangan, bebentahan, kakariren at mga taong sa unang tingin mo pa lang ay hindi mo na talaga gusto ang hilatsa ng mukha.

Welcome to the jungle!