Noon,

Tinatanaw kita

Habang sumusumpa

Nakakabingi ang mga palakpakan

Makulay ang mga kasuotan

May kasama pang awitan.

Ngayon,

Palakpaka’y napawi na

Napalitan ng mga bangkay

Sa loob ng bus na walang malay.

Nasaan na ang mga aso?

Na mga alagad mo

Ngayon ay kumakahol

Sa sarili nilang amo.

Nasaan ang masaganang ani?

Malalaking isda di mahuli

Nakalimutan na ba?

Tulad ni Shalani?

Sabi mo,

Papawiin ang dusa

Ihahatid ang ligaya

At hindi ang huwad na Gloria!

Nasaan na?

Papano na si Lauro?

At si Mangundadatu?

Tahimik na

Ngunit malansa pa rin

Amoy ng pulbura

Mabuti pa ang GDP

Tumataas

Ang sahod

Deretso pa rin

Sa bulsang butas.

Makibaka!

Wag matakot!

Naroon pa rin sila

Sa mga kalsada

Kasama na

Hacienda Luisita

Papano mo kami ihahatid?

Bakubako pa rin

Ang daang matuwid

Sige sasamahan kita

May limang taon pa

Ngunit patuloy

pa rin

Ang pakikibaka.

A tribute to 1 year in power of our beloved president