Napakasaya mo ngayon tingnan
bakas sa inyong mata
ang ligayang iyong nadadarama

Siya ba ang iyong bagong Prinsesa?
tunay nga na napakaganda niya
kaya ba sa iyong mga mata
tanging siya na lamang
ang iyong nakikita?

Napansin ko ang hawak-hawak
mo na bulaklak
Para ba sa kanya yan? o,
para sa iyong Ina?

Gusto kitang hagkan, yakapin
upang maramdaman muli
ang iyong yakap
Pero ano nga ba ang magagawa ko?
ang atensyon mo ay tuluyan
ng nabaling sa kanya

Hanggang ngayon, hinihintay
ko pa rin na manumbalik
o mabuhay muli ang
pag-ibig mo para sa akin,
Na ang init ng mga yakap mo,
ang paghaplos mo
sa aking buhok,
ang paghalik mo sa aking noo
ay gusto ko maramdaman muli

At higit sa lahat,
ang marinig ang boses mo
na sinasabing
Ako lang ang babae sa buhay mo

Ang muling makapiling ka
ang tangi ko lamang Dalangin

Dahil minsan ang minahal mo ay
"ako"

-Nanay