Kanina, sa gitna ng isang director's meeting kung saan may presentation ako, nag-ring ang cell phone...

Nilibot na ang buong mundo

Di pa rin ako nakukuntento...

Sana-Up Dharma Down, ring tone ko yan. I know, I know it's slightly emo and nerdy and cheesy all at once.

Ang nanay ko-- walong taon ko nang hindi nakikita, lumanding na ang eroplano. Andito siya hanggang sa katapusan ng buwan. Tapos hindi na naman namin alam kung kailan kami magkikita ulit.

American Citizen na ang nanay ko. Nag-asawa siya ng kano, na mukhang Pilipino pero Hawaiian na Japanese German. Bob ang pangalan niya.

Okay naman yun. Nakakapagod lang kausap.

Pag tiningnan mo yung mga pictures namin sa bahay parang siya talaga yung original kong tatay. Pano, kamukhang kamukha ko ang nanay ko at yung mukha naman ni Bob ay hindi masyadong nalalayo sa amin. That's beside the point.

Nakapagbakasyon siya sa Pilipinas kasi nilibre siya nung classmate niya ng plane ticket. Sana may manlibre rin sa akin ng ganun.

May pasok ako ngayon kaya hindi ko siya nasundo sa airport. Actually, kung wala man akong pasok ngayon hindi ko pa rin siya susunduin. Kasi baka hindi ko ma-take.

As you know, nag-out ako sa nanay ko nang nasa America na siya. So, ito ang unang pagkakataon na makikita niya ako ng live na openly gay. Ito na yung confirmation of the fact.

O, wag mong isipin na iniisip kong magretract ng membership sa club. Natutuwa lang ako sa idea na makita ako ng nanay ko.

Parang gusto ko tuloy mag-ahit ng balbas, para full effect.

Na-eexcite ako ng konti. Actually. Tingnan mo parang incoherent nga ako ngayon.

Bago umalis ang nanay ko papuntang America, nagyakap kami. Umiiyak din. Parang may background pa nga ng "Babalik Ka Rin."

Context: hindi kami touchy as a family. Period. Pag nakita mong magkadikit kami ng mga kapatid ko, ibig sabihin non may pressure sa paligid.

Ngayong eight years na kaming hindi nagkikita nang live hindi ko alam kung papano ako aarte around her. Alam ko namang hindi niya ako ija-judge pero siyempre hindi pa naman niya ako nakikita in my full gay splendor. I mean, masasaktan kaya siya kung makita niyang kumekembot ako? Sasampalin niya kaya ako kung tumaas ng konting-konti yung pitch ko sa pitch ni Regine Velasquez pag naiipit siya sa pinto?

Sabi ng nanay ko sa akin nung nasa America pa lang siya, gusto niya raw makilala ang mga kaibigan ko. Pati ang jowa ko.

Gosh buti na lang wala akong jowa ngayon. Hindi yata ito ang tamang panahon para sa isang "Meet the Parents" Moment.

Alam mo ba ang pasalubong niya sa akin? Among others, binigyan niya ako ng isang ream ng sigarilyong menthol lights at whiskey.

Naloka ako.

Sabi ko, sigurado ka bang yan talaga ang gusto mong ibigay sa akin?

Sabi niya kung ayaw ko raw ay sa kanya na lang. Tumigil na sa pananagarilyo ang nanay ko kaya sabi ko naman, mother akala ko ba nagquit ka na?

Sabi niya, babalik daw siya sa paninigarilyo.

Sabi ko, engot siya.

Sabi niya, hindi lang siya babalik kung magbabagong-buhay daw ako.

Sabi ko naman, sige yosi ka na.

Yes, adik din ang nanay ko.

Explains so much.

------

boo, ang corny nito!!! wala akong sense.