Suntok sa buwan ang pagsusulat

Sa karimlang inilawan ng fire works

Tulad ng padating na bagong taon na walang

Aasahang pagbabago, walang nostalgia.

Kung walang kaluluwang naligaw sa kawalan,  

mga hiyaw na napiit, pigil na

pagnanasa, depressive disorder, lihim na kabiguan, paranoia, panibugho, trauma, humiliation, tragedy,
drama, kapalpakan, kamalasan

kung ang tanging uniberso ay tigib 

ng positibong damdamin at bawal ang 

sentimyento

Pangako, lilimutin ko ang pagsusulat

kung kalmado na ang

pandama ng mga nagtitimpi, nanghihinayang,

nagsisisi, nagagalit, nanggigitil,nagbabalatkayo

at nagkukunwaring bato

at marahil hindi ko nahahagilapin pa ang

iyong  pansin.  

~Disyembre14, umaga