Pluma

Papel

Inspirasyon

Nasaan?

Isang tugma

Nais ng plumang magsulat

ngayong gabi man lamang

Maaari ba?

Isang taludtod

Nais ng papel masulatan

Makapang-aliw man lamang

Maaari kaya?

Isang tula

Nais ng kamay gumalaw

Kahit bahagya man lamang

Maski saglit

Maaari na?

Maaari...

Ninanais ng pluma

Ng papel...ng kamay...

Umaayaw ang inspirasyon

Maaari?

***Si Galatea ay naghahanap ng inspirasyon. Hindi muling makasulat...