Halaw kay Edna St. Vincent Millay (Galatea)
(Here is a Wound sa That Will Never Heal, I Know)
May pighating walang lunas, nandirito sa dibdib
Katuwira'y 'di kamatayan o pagdurusa
Kundi paglisan ng isang pag-ibig
At ang paglalaho ng kaaliwan
Ng gayon-gayon na lamang.
Wala na...
Hindi na muling mamumukadkad
Ang mga talulot doon sa kaparangan.
Wala na...
Gayong patuloy ang paghahasik ng sisidlan
At ang mga ulap na dati-rati'y ngumingiti
Kasabay ng araw ay mababalot ng dilim
Tila kirot na lalong pumapait.
Wala na...
Ang tag-init sa Abril ay uulanin ng luha
Wawasakin ng hangin at sakit ang tag-ulan sa Agosto.
Matitiis ko
Kung ang pag-ibig na ito'y hindi na muling magbabalik
Subalit ang ipagkait ang pangarap
Maski ang pag-aasam man lamang
Na muling mahagkan
Ang magdudulot ng lalong kasakitan
At kamatayan ng pusong
Laging maghahanap.
Galatea Artemis
» login to post comments | 492 reads
oo nga kuya. ngayon ko lang
Submitted by galatea hopkirk on March 27, 2011 - 11:07pm.
oo nga kuya. ngayon ko lang siya na-appreciate.
medyo matagal na rin ako hindi nakasulat. kaya ganyan ang hitsura ng tula ko. hehe.
-Galatea
» login to post comments
ibinabalik ko lang sa recent
Submitted by magsinoalvin on August 10, 2011 - 11:37am.
ibinabalik ko lang sa recent post para mabasa ng mga gaya naming baguhan sa larangan ng pagsulat. Wag ninyo po sanang mamasamain.
marami pong salamat!
(Ito ang mga tula...)
» login to post comments
-
Nakatutuwang basahin ang tulang ito buhat kay Millay. May reading din ako na pinatutungkulan ng speaker ang paulit-ulit na pagkaudlot ng kaniyang pagdadalang-tao, kundi man, ang lubusang kawalan ng kakayanan para dito.