Hindi mahalaga kung ga'no na ba katagal tayong dalawa

         dahil ang importante'y damdamin natin para sa isa't isa

hindi rin usapin kung ga'no pa ba kalayo ang dapat nating lakbayin

        dahil ang sukatan nito'y kung ano ang nasa kalooban natin

hindi naman basta masabing minamahal kita

        dahil higit sa lahat kung pa'no natin 'to maipadadama

hindi rin maaaring bahala na

        dahil pa'no bukas kung biglang mawala ka 

hindi naman makabubuting palaging pakinggan sasabihin ng iba

        dahil kung minsan dulot nito'y pagdurusa

hindi naman kapintasan ang mga kakulangan

        dahil ang mga ito'y maaaring mapunan

hindi ikaw o ako lamang ang dapat masunod

        dahil kung ito'y iiral ang isa'y mapapagod

hindi mapanghahawakan kung ano ang ngayon

        dahil lahat ay nababago kaalinsabay ng panahon

hindi makasisigurong habambuhay ako'y sa'yo, ikaw ay akin

        dahil maaaring bukas may panibagong darating

hindi mapagbabatayan kung ga'no na ba tayo katagal

        dahil natututunan ng pusong sa iba magmahal.