Huwag Husgahan ang Walang Laman
Wag Husgahan ang Walang Laman
Eh ano ngayon kung nangupit siya?
Eh ano ngayon kung nang-umit siya?
Pinagdadaanan mo ba
Ang hirap na almusal niya sa umaga?
Nasubukan mo na bang mangutang para ipagamot
Ang mahal mong ina?
Hindi. Mapalad ka.
Sa init ng araw nagagawa niyang gumawa
Sa pamamagitan ng kamay na pagkatao niya
Dahil sa kaniya, buhay ang industriya
Ng sapatos
Ng konstruksiyon
Ng transportasyon
Ng kalakal
At ng kung anu-ano pa
Konting omento, galit ka
Konting dagdag, balisa ka
Ang iyong kita’y diyos-diyosan
Na lagi mong binabantayan
Magbigay ka, at nang makatanggap
Ng awa, at di karma
Sino ka ba kung wala siya?
Tataba ba ang iyong kita?
Siya ang kamay na nagdadala
Ng pera, salapi, moolah
Sa iyong bulsa. Maramot
Ang kapalaran sa kanya
Marahil dahil ipinanganak siyang dukha.
O e ano ngayon kung nang-umit siya?
E ano kung nabawasan ang iyong kita?
Mali na kung mali, ngunit
Huwag mong husgahan
Siyang walang nilalaman
Ang sikmura.
- Para sa mga obrero kong kaibigan. Nandito lang ako para sa inyo.
Damaris Semisueno Vera
Damang dama ang pighati ng uring manggagawa....
» login to post comments | 1110 reads
hatulan...
Submitted by jasdred on March 30, 2010 - 5:29pm.
*dati rin akong "aktibista" pero hindi kailanman binigyan namin ng kat'wiran ang pang-uumit dahil sa pagkalam ng sikmura, maraming nangungurakot na pulitiko at tutol tayo du'n ngunit kung magnanakaw din tayo kahit pa pantawid gutom lang 'yun, ano pa ang kaibahan natin sa mga nagnanakaw ng malaki, eh nag-umpisa rin ang mga 'yan sa small time pang-uumit ng papel sa opisina nila...
*Oo, may mga nagigipit lang talaga kaya nakagagawa ng pagnanakaw o biktima lang ng sitwasyon pero tayong wala sa kanilang sitwasyon, hindi ba't mas maganda na 'wag nating hayaang maging ganu'n na lamang sila?...may kakayahan ang bawat may buhay na lumaban ng patas kahit na mahilig manggulang ang iba at hindi ko ipapayo na pangaraping tularan sila...
» login to post comments
Huwag
Ang ganda po ng inyong tula...
sumasalamin sa tunay na nangyayari o mangyayari sa mga obrero na hindi sumasapat ang kita..
pagbigyan nyo po sana ako kung ilagay ko dito...
MABUHAY ANG URING PROLETARYADO!
....Huwad_na_Makata