reynaldo J. de la Peña

Raku man nga mga bulak

pero isa ikaw sa wara’t

untat nga nagapamukadkad

sa tunga kang akun

masulhay nga hardin.

Tuman kahamut

sa akun pagsimhut

Nga nagapamukaw

Sa nagakaturog ko

nga paghigugma.

Imo gin asikan

Gin kuris-kurisan

Kaputi nga mga linya

ang akun itum

nga paminsarun.

Sa imo kaambung

Nalipat ako sa akun

Ginahandum

nga magtaris sa suba

Kag languyon ang dagat

Nga magsarahanun.