iyan ang tanong sa akin ni adle.

sabi ko sa kanya, gustuhin ko man hindi pa talaga kaya. may ilang bagay pa akong binibigyan ng pansin. una, gusto ko munang hubugin ang aking sarili. pangalawa, gusto ko munang maging malaya. at marami pang iba.

hindi naman ako nawawalan ng pag-asa na mayroong posibleng magmahal ngunit, (isang malalim na buntung hininga) hindi pa ngayon.

pero nakakatawa lang ang tadhana, may mga pinakikilala Sya sa akin na mga taong nagbibigay daan upang magbukas muli ang puso ko....

mga taong binigyan ako ng dahilan upang maniwala sa aking sariling kakayahan, mga taong estranghero na naging mga kaibigan.

dalawa sa mga estranghero eh hinahangaan ko sa sarili nilang kagalingan. iyong isa, dahil sa angking talino, talento at tiyaga sa buhay. tingin ko sa kanya misteryoso, pero kapag nakita mo naman sya, nakilala ng lubusan-- may ginintuang puso. iyon ang gustung gusto ko sa kanya kahit minsan suplado sya.

iyong isa naman-kasundo ko. siya ang dahilan ng mga ngiti ko. isa rin sya sa mga dahilan kung bakit naniwala ako muli sa aking sarili. parang pag kasama ko sya sapat na ang lahat. di ko nga maipaliwanag eh. basta ang komportable ng aking paligid pag nariyan siya. ngunit hanggang kaibigan ko lang sya. hehhe (sayang)

at iyong isa, iyong isang dati ko nang minahal. bumalik na ngayon. pareho naman kaming naghahanap ng aming sarili. siguro mas mabuti na lang kaming magkahiwalay.

minsan may kakaunting kalituhan ang dulot ng pag-ibig sa buhay ng mga abang tao. minsan nakakatuwa, minsan nakakagipit. pero gayunpaman, masaktan kang magmahal, nasabi mo sa sarili mo na nagkaroon ka ng katapangan na sumulong sa isang pag-ibig. na kahit di ka pa masyado sigurado, natutunan mo na kaya mong magmahal nang tama kahit masakit, kahit di perpekto.

----------

nakakatawa lang habang sinusulat ko ito kagabi sa aking journal sa aming jam place,  nagsipagdatingan naman silang tatlo. nakakatawa lang andun kaming apat sa iisang lugar.  ang tadhana talaga mapagbiro!!!!!!

(pasensya na, kailangan lang isulat. di bale blog naman ito di bah?)