KUTSARA (Halaw kay Paul Mariah)
Sa kumedor
kanina
may tumira
ng kutsara.
Palibhasa
ang duda
isa sa bilanggo
ang nagpuslit,
parang sugat
ngayong kinakatkat
ang bawat gamit
sa selda. Kinakapkap
ng mga bantay
ang kontrabando
na pupuwedeng itago
ng preso.
Mahirap nang
makasalisi
baka mahuli
ang pagsisisi
kung ang tusok
ay palihim
na maipasok.
Marami ang hindi
mapakali
habang nakahiga
sa tarima
kahit alam nila
na di para sa kanila
ang inumit
na kutsara. Ngunit
pasasaan ba
at makikita rin
itong kutsara:
maaari, kunwari,
na ginawang singsing
sa daliri
ng bagong-kasal
na magkakosa
o di kaya
sa tapat ng puso:
isang nakausling bakal
sa kimpal
ng sariwa,
mapulang-mapulang dugo.
» Allanjohn Andres's blog | login to post comments | 662 reads
!
Submitted by Rhea Stone on March 23, 2010 - 2:16pm.
Kuya,
Isa na po ba itong premonisyon? Tsk! Pinaghahanap ka na talaga. Doble-sala na po ang nagagawa n'yo. Hinalaw n'yo na nga tapos naging mas maganda pa ang pagkakahalaw n'yo kesa sa orihinal.
» login to post comments
Premonisyon...
Submitted by Allanjohn Andres on March 23, 2010 - 10:15pm.
Pero alin kaya ang pipiliin ko sa dalawa? Iyong puso na may nakatarak na kutsara o 'yong makasal sa kakosa na mas maton pa sa akin?
» login to post comments
;-)
Submitted by Allanjohn Andres on March 24, 2010 - 10:44pm.
Rhea ...
Lubus-lubusin na ang kaso. Ipapaskel ko na rin pati ang pinaghanguang orihinal, hehe.
Nang walang pahintulot.
Dahil alam kong magugustuhan ninyo...
-----------------------------------
SHAKEDOWN & MORE
Silver is missing
From the messhall;
All
Prisoners suspect.
Cells torn open
Like wounds
Setting out
In search of
The germ,
The spoon stolen,
Each frisked
As he returns
To his cell.
Shakedown for
Contraband.
All known hands
Are checked
For shivs.
One lives in
Terror that it’s
Not marked
For him. Still
It may be found
As a ring on
Newly wedded hand
Or as a worse attack
A knife in the back.
» login to post comments
!
Submitted by Rhea Stone on March 24, 2010 - 10:53pm.
Kuya,
Mas trip ko po yung magpapakasal kayo sa maton. Mas sweet po yun, makakagawa kayo ng mga love poems sa loob.
» login to post comments
;-)
Ang pinaghalawang orihinal ay pinamagatang "Shakedown & More" . Ang tula ay isinulat ni Paul Mariah noong 1971.
Hango naman ang akda sa antolohiyang Prison Writing in 20th Century America; inilimbag noong 1998 ng Penguin Books, at pinamatnugutan ni H. Bruce Franklin.