Yes, ako talaga ang authority sa subject na ito. Hahahaha...

Ang kumontra, tutubuan ng bayag sa noo.

So, naikwento ko na minsang sumuka ang brain ko sa computer na nag-detox diet ako last week. Yes, today ang last day ng diet ko. At ikinalulungkot kong sabihing hindi 125 ulit ang timbang ko.

Hmmm...

Pero justified yun. Nagswimming ako kahapon. Yes, yung totoong swimming. Yung walang sun bathing involved at mga cheesy pictures na nakapeace sign at may henna tattoo na tribal ek ek.

At medyo masakit ang katawan ko ngayon dahil I pulled a muscle on my right calf when I jumped over the springboard. Stupid. Sinabi nang magstretch. Nagflash yung buhay ko hanggang grade 3 nung pulikatin ako sa 10 foot deep water, habang sinasaliksik ko ang surface ng tubig.

Obviously, hindi ako nalunod. Isda yata ako, o manatee, whichever is manlier.

So feeling ko, kahit na naglose ako ng fat ay nag-gain naman ako ng muscle. Ang bilis no? Pero kasi hindi pa ako tumatae, kaya siguro hindi ko maapreciate ang weight loss.

Anyway, mas maganda naman ang hubog ng katawan ko ngayon. Actually, hobby kong tignan ang aking mura at hubad na katawan sa harap ng salamin, gaya ng nabanggit ko dati. At in fairness, maganda naman yung view.

So nag-usap na kami ni Nikki na ipa-project naming maging health and wellness month ang buwan ng Mayo. Hindi pa ako masyadong nakakapagbeach kasi nerd ako. Sayang, maraming hindi nakawitness ng aking drop dead delicious baaddeee...

Marami akong balahibo sa katawan. At lahat sila straight. So pinroject kong ahitin yun. Except yung legs at yung arms, at yung kilikili ko kasi kadiri ang mga lalaking nag-aahit ng buhok sa kilikili. Pwede magtrim, lalo na paglumalampas na sa manggas ng t-shirt yung mga hairs. Nangyayari yan sa akin minsan kaya hindi ako nagreraise ng arms.

So tuwing maliligo ako, natutuwa akong haplusin ang aking sariling katawan dahil bukod sa ismut na ismut ito, ay sadya namang tumitigas din ang aking mga masel. Gujab...

Pangarap kong maging underwear model, yung tinatakpan pa lang ng underwear ang malaki sa akin. Kulang pa ng abs. Pero malapit na yun.

Naiinspire akong maging health buff for a lot of different reasons.

After the diet, hindi maitatangging naging maganda ang pakiramdam ko. Gumanda ang balat ko, at sumaya ako in general. May energy din akong lalong magpaka-bibo sa trabaho.

Magkakaroon kami ng team building sa Anawangin sa May 22-23, at makikita ng mga officemates ko ang hubad kong katawan, so gusto ko naman magustuhan nila yung makikita nila.

Nahihirapan akong magbihis tuwing pumapasok kasi hindi magkasya ang mga damit ko.

Magkakaroon kami ng 10 year high school reunion sa October kaya kailangan hindi lang ako successful, kailangan ako rin ang pinakasexy sa school.

Hindi ko inexpect na being healthy and making good decisions regarding the food you eat can make you feel sexy. Isa siyang masayang side effect.

At ito yung sexy na hindi malibog ha.

Yung sexy na kinalilibugan. Hahahahahaha...

Nagpapahaba na rin ako ng buhok kasi sawa na akong maging kalbo. So medyo mukhang sisiw ako ngayon, pero okay lang yun. Gusto ko makita niyo ko next time na long hair naman. Para maiba.

Ngayon, tuwing naglalakad ako, feel na feel ko talagang magpakita sa mga tao. Kasi alam kong maganda ang nakikita nila. Nakakailang lookback din ako tuwing naglalakad ako papunta sa sakayan ng taxi (parang memoirs of a geisha.)

Marami ring mga tao sa opisina na hindi ko kilala ang bumabati sa akin. Parang gusto ko silang i-group hug nang matinding-matindi para mapisak sila at magkasiya sila sa bulsa ko. Awwwwwww...

So kayo, iniincourage ko kayong magpaka-sexy din. Para sexy na tayong lahat. Kaso kung sexy na tayong lahat, hindi na tayo magiging sexy in comparison to others kasi mag-aadjust na yung norm. So sige, pwede bang 20% na lang sa atin ang magpaka-sexy? Yung iba, sige ipag-patuloy niyo lang yang ginagawa niyo. Love the shape you're in. Kayo ang susi sa kasiguruhan ng trabaho ng mga service crew ng McDonald's at Jollibee.