Lunar Eclipse
Lunar Eclipse
Sabay nating iginulong ang ating mga likod sa gitna
ng parang na hindi alintana ang humihiwang talahib
sa kanipisan ng iyong balat----marahil ay sanay ka na.
Sinubukan kong muling tuhugin ang mga bituin at ialay sayo
ngunit tila mga bulalakaw itong nangangahulog sa lupa.
May ilang tumama sa akin upang bigyan ako ng konting liwanag
Ngunit sabi mo, huli na ang lahat.
Katahimikan.
1:23 A.M. June 16, 2011
Sandaling namaalam ang hiram na liwanag ng buwan.
At ang sa atin ay isang tuluyan nang pamamaalam.
dyeppri
» login to post comments | 609 reads
Salamat...
Submitted by dyeppri on June 27, 2011 - 4:54pm.
Ganoon talaga...dahil ang tao kahit pinagbuklod ay hindi tuluyang magiging isa dahil mag-kaiba pa rin sila. May mga pagkakataong kailangang maging buhangin ang nilubid na mga pangako. thanks
https://dyeppri.wordpress.com/
"libog lang ang dahilan ng lahat kung bakit andidito ako..."
» login to post comments
Magkasing anyo subalit di magkawangis
Submitted by Starblaze on June 28, 2011 - 9:25am.
Sabi nga ang pinagbuklod ng Dios ay di pwedeng paghiwalayin ng tao. Kaya marami ang nagsasama sa iisang bubong subalit magkalayo na ang kanilang mga puso. singlamig ng gabi ang kanilang mga damdamin at kung pakikinggan ay magkaiba ang itinitibok ng kanilang mga puso. tulad ng lunar eclipse, dumidilim din at pagsapit ng liwanag hindi na sya ang dating sya na iyong sinamba.
Starblaze, Bh.D. (Doctor of Broken Hearts)
Dakilang mangingibig, malikot ang isip (at kamay)
» login to post comments
<
Submitted by Alexander Dagrit on June 28, 2011 - 12:56pm.
Ang mga tulang may ganitong mga talinghaga ang mga gusto ko.
Sa unang dalawang saknong, malinaw na pagsisiping iyan. Subalit hindi naging pornograpiya ang anyo dahil gumamit ng metonymy at mixed methapor (halo-halong metapora) sa paglalarawan ng bagay na iyon. Kaya naman, naiwasan o ganap na nalampasan ang manipis na linya na naghihiwalay sa sining at kalaswaan o porno.
Sandaling namaalam ang hiram na liwanag ng buwan.
At ang sa atin ay isang tuluyan nang pamamaalam.
Ang liwanag ng buwan ay huwad na liwanag dahil hiram lamang ito mula sa araw. Subalit ito naman ay kaayaaya dahil hindi masakit sa balat at mga mata.
Ang bawal na pag-ibig ay walang dangal, subalit higit ba itong matamis para sa persona ng tula -- gaya ng malinaw na ipinahihiwatig niya?
Kaysarap baklasin ang mga talinghaga ng ganitong mga tula. Moderno rin ang tulang ito dahil pantay-tao ang tinig na kinasangkapan nito.
Ang Tugma, Sukat, at Alindog sa Tradisyonal na Panulaang Pilipino
Kultong Rizalismo (sanaysay ni Jon E. Royeca)
» login to post comments
Salamat Alex...
Submitted by dyeppri on June 30, 2011 - 3:03am.
Salamat Alexander (mabuti na lang at 'di ka si Javier, LOL)-isa ka sa mga hinahangaan ko na mangingilatis ng mga akda dito dahil malawak ang isip mo at hindi sarado sa bawak saknong na ipinakikita ng bawat mga salita. Sakto ang sinabi mo. Thumbs UP!!!
https://dyeppri.wordpress.com/
"libog lang ang dahilan ng lahat kung bakit andidito ako..."
» login to post comments
wow.. nag-iwan ito g
Submitted by magsinoalvin on August 10, 2011 - 3:03pm.
wow.. nag-iwan ito g masidhing damdamin sa akin pagkatapos kong basahin.. Ang galing...
» login to post comments
too short but it just stabs
Submitted by alcor eldioan on August 11, 2011 - 12:26am.
too short but it just stabs in a weird way...
i adore your piece. good job! :)
» login to post comments
ang galing talga nito. hindi
Submitted by magsinoalvin on August 16, 2011 - 12:05pm.
ang galing talga nito. hindi pa rin ako maka-move on
» login to post comments
Sadyang sa kabila ng wagas
Sadyang sa kabila ng wagas na pagmamahal ay nauupos din ang puso para sa isang pag-ibig... kung kaya dumarating siya sa puntong umaayaw na (nagsasawa) bagama't nakasanayan na naman niya ang paulit-ulit na sakit...
hindi ko alam kong bakit na hurt ako ng mabasa ko ito.
nIce One!
maharot, malikot titik sa aking tuktok!