"Gardens of perpetual bliss – they shall enter them as well as the righteous among their fathers, their spouses and their offspring. And angels shall enter upon them from every gate.” (Surah al-Rad, 13: 23) Quran

Dumudulas sa mga kamay at daliri ni Shekinah ang mga ulap na tila sutla at sing puti ng bulak, parang bata nitong nilalaro laro ang mga ulap na nasa kanyang paanan habang nakaupo sa isang tipak ng bato. Ang lugar na iyon ay napapaligiran ng mga sari saring bulaklak na nagbibigay ng halimuyak sa umaga. Ang puting kasuotan nito na sayad hanggang talampakan ay humahapit sa kanyang katawan sa bahagyang ihip ng hangin. Sa di kalayuan ay makikita ang dalawang haligi na nililok sa batong marmol na may mga hugis dahon sa paanan bilang palamuti at desenyo. Ito ang nagsisilbing haligi sa pinto ng kalangitan na may napakahabang hagdanan na halos natatakpan na ng mga ulap ang dulo. Sa loob ng langit ay naroon ang mga anghel at mga kerubin. Nangagtaas ang mga trumpeta habang ang mga ito ay tumutugtog ng mga papuri at pagsamba, sa isang banda ay naroon ang mga kerubin na tumutugtog ng mga harpa.

"Shekinah! anong ginagawa mo dito? di ba dapat naroon ka sa lupon ng mga kumakanta?

"Sofiel, ikaw pala" mahinang tugon ni Shekinah. "Ayoko roon, gusto kong mapag-isa. Nangangawit na ang mga daliri ko sa pagtugtog ng lira at namamaos na ang boses ko sa pagkanta.

"Magagalit sayo si San Pedro." ang may pag-aalalang sabi ni Sofiel.

"Hayaan mo syang magalit." tugon ni Shekinah habang patuloy pa rin nitong nilalaro laro ang mga puting ulap na nasa kanyang paanan.

"Sige bahala ka, aakyat na ako dun ha? sumunod ka na lang." Nilingon lang ni Shikenah ang kaibigan at patuloy lang nitong hinuhuli sa kamay ang mga ulap.

Si Shekinah ay isa sa pitumput dalawang anghel ng kalangitan na naatasang maging inspirasyon sa mga tao at magdala ng harmonya at pagkakaisa. Sya din ang anghel ng pagkakaisa at pagibig na hindi naghihintay ng kapalit.

to be continued.....