Mahal ba ako ni Lord?? (Inspirational)

by spike_west
Madalas ba tayong nagtatanong sa Dyos, minsan ba na hindi natin makita o malaman yung sagot sa mga taong natin sa Dyos. Kaibigan , sana makatulong ang mga ito.
 

Mahal ba ako ng Panginoon?Kung mahal Nya ako, bakit binigyan Nya ako ng maraming problema.

 

Anak mahal na mahal kita, minsan kahit yung problema mo ay dahil sa pagkakasala at pagkakamali mo, nandito pa rin ako para tulungan ka at ituwid ang mga pagkakamali na iyon. Minsan, kahit ayaw mong lumapit sa akin para humingi ng tulong dahil iniisip mo na binigay ko sa iyo yun, pero pinipilit ko pa ring solusyunan yun at gumamit ng ibang tao para tulungan ka. Madalas wala man akong nakukuhang pasasalamat mula sa iyo, pero di pa rin nawawala o nababawasan ang pagmamahal ko sa iyo. Di ako nawawala sa piling mo, umalis ka man sa tabi ko, susundan pa rin kita kasi ayaw kitang mapahamak.
.
.
Nandito ako para maging solusyon sa problema mo. Madalas ito ang paraan ng aking mga kaaway,dahil sa kagustuhang kunin ka nila sa akin, sinasabi sa iyo na galing sa akin lahat ng paghihirap mo. Pero ang totoo sa sobrang pagmamahal ko sa iyo, ayaw kong makitang kang nahihirapan. Lumapit ka lang sa akin at sosolusyan Nating dalawa ang mga problema mo. Magtiwala ka lang sa Akin, Anak ko dahil mahal na mahal kita.
.
.
Ganyan kita kamahal anak, pero ako ba anak mahal mo ba ako?
.
.
Mahal ba ako ng Dyos, bakit naghihirap ako, yung iba mayaman, hindi sya patas.
.
.
Anak, mahal na mahal kita at patas ang pagmamahal ko sa inyo. Wala akong pinipili sa pagbibigyan ko ng biyaya, marami sa inyo, pinagyayaman ang biyaya ko kaya sila yumayaman, marami rin sa inyo ang winawalang halaga ang lahat ng biyaya ko. Madalas kasi nila tinitingnan ang mga bagay na wala sa kanila, pero ang mga bagay na binigay ko sa kanila hindi nila nakikita. Minsan may mga bagay na hindi ko naman iyon ibinigay at itoy galing sa aking kaaway para makuha kayo at ilayo kayo sa akin. Binubulag sila ng kanilang kasakiman at pagkagahaman sa mga kayamanan nila sa lupa.
.
.
Anak kung hindi ka man masagana sa buhay mo ngayon,makakakaasa ka na malaki ang kayamanan mo dito sa Langit. Pinagpapatayo na kita ng pinakamagarang mansion dito basta manatili ka lang sa paglilingkod at maging tapat ka sa akin. Ito ang kayamanan na kailan man ay di sa iyo maagaw at di ka mauubusan.
.
.
Pero Anak labis akong natutuwa sa mga anak ko na ibinabahagi nila sa iba ang biyaya nila. Nagiging instrumento sila ng mga pagpapala ko. Pero labis naman akong nagdadamdam dahil minsan ang mga biyayang binibigay ko sa kanila, ay kanilang sinasarili at pinagkakait sa iba. Pero kahit ganun ang ginagawa nila, di pa rin ako nawawalan ng pag-asa na isang araw matutunan din nilang magbigay at magbahagi sa kanilang mga kapatid.
.
.
Tandaan mo anak na mas tinitingnan ko ang pagmamahal mo sa akin, at hindi ang tagumpay, katanyagan o kayamanan mo sa buhay. Maniwala ka at sumampalataya ka sa akin, at ibubukas ko ang mga mata mo sa mga biyaya ko na hindi mo noon nakikita. Mararamdaman mo ang aking pagmamahal sa iyo.
.
.
Ganyan kita kamahal anak, pero ako ba anak, mahal mo ba ako?
.
.
Mahal ba ako ng Dyos, bakit nya kinukuha ang mga mahal ko sa buhay? Mahalaga sya sa akin, bakit Nya inilalayo sa akin?
.
Anak mahal na mahal kita, kinuha ko man sa iyo ang mga mahal mo sa buhay,ito ay para maunawaan mo na hindi permanante ang lahat dito sa mundong ito. May magandang buhay ang naghihintay sa kanila sa langit. Alam kong mas Masaya sila doon kesa nandyan sa lupa. Sana maunawaan mo na ipinahiram ko lamang ang buhay na ito, at tulad ng buhay mo pinahiram ko lang din ito sa iyo. Sana gamitin ito para makatulong ka sa iba. Sa pagbibigay ko sa iyo ng buhay , binigyan kita ng pagkakataon na magsisisi at sumunod sa akin, dahil gusto kitang makabilang sa mga pinaghaharian ko dito sa langit. Di ako nawawalan sa iyo ng pag-asa, kaya patuloy kitang binigyan pa ng buhay. Sana maunawaan mo na hindi ko sya inalalayo sa iyo, gusto ko lang syang mas mapalapit sa akin, at ikaw din ay mapalapit din sa akin. Hindi ko pinagkakait sa iyo ang mahal mo sa buhay, kundi gusto ko lang silang mapabuti, mailayo pa sa kasalanan at paghihirap sa mundo, at makasama ko na uli sila. Sana maunawaan mo iyon Anak ko.
.
.
Ganyan kita kamahal anak, pero ako ba anak,mahal mo ba ako?
Mahal ba ako ng Dyos, bakit naging matapat naman akong tagapaglingkod sa Kanya, pero lagi pa rin nya akong binibigyan ng mabibigat ng pagsubok?
.
.
Anak mahal na mahal kita, kung sinusubok ko man ang pananampalataya mo, iyon ay para di ka lumayo sa akin, kundi para mas mapalapit ka pa sa akin. Kung nalampasan mo man ang mga pagsubok na ito, ikaw ay aking pagpapalain pang lalo, at kung sakaling mabigo ka sa pagsubok na ito, hindi kita iiwanan kundi ikaw ay aking pang lalong tutulungan at pagpapalain. Kahit kailan man sa pagsubok na binigay ko walang nanalo at natatalo, para sa akin lahat kayo ay panalo sa akin basta kayo ay mananatiling tapat sa akin. Kung sakaling mabigo man kayo, pag-aalabin ko pa ang kanilang pagmamahal sa akin, at kung kayo naman ay nagtagumpay, ako ay tuwang tuwa sa inyo. Ganyan ko kayo kamahal kasi lahat kayo ay mga Champion para sa akin.
.
.
Tandaan mo Anak hinding hindi kita iiwanan, kung sinubok man kita iyon ay dahil naniniwala ako na kayang kaya mo ang lahat ng iyon.
.
.
Ganyan kita kamahal anak, pero ako ba anak, mahal mo ba ako?
 
.
Sana kaibigan, maramdaman natin ang pagmamahal ng Dyos. Madalas nawawalan tayo ng pag-asa pero tandaan natin ang Dyos di nawawalan ng pag-asa sa atin. Madalas nagrereklamo na tayo sa buhay at paghihirap, pero ang pinakamamahal nyang Anak na si Hesus kahit kailanman man ay di nagreklamo sa paghihirap na ginawa natin sa Kanya. Kasi naging matapat Sya ating Ama. Madalas nagtatampo tayo sa kanya kasi kinuha nya ang mahal natin sa buhay, pero ang pinakamamahal nyang Anak ay binigay pa nya sa atin para iligtas lamang tayo.
Gaano kaya kasakit iyon sa atin Dyos ang makitang nahihirapan ang Kanyang bugtong na Anak, pinahiihirapan at sinasaktan Sya ng mga taong ililigtas Nya dahil sa malaking pagmamahal ng Dyos sa atin? Mas masakit pa ba yun sa mga paghihirap at kabigatan natin sa buhay.
 .
Mahal na mahal tayo ng Dyos, hindi masusukat ang pagmamahal Nya sa atin. Pero tanungin natin ang sarili natin tayo kaya gaano natin kamahal ang Dyos?
 
Iyun lamang po at Maraming Salamat po.
SPIKE

by Adlesirc on November 6, 2008 - 4:46pm

hi spike

salamat sa post na ito. sana maraming makabasa at makaintindi ng nilalaman nito. salamat din sa mabuting hangarin ng gawa mo =)

good times.

adlesirc

by spike_west on November 6, 2008 - 5:10pm

Salamat at nagustuhan mo!!! Medyo nahihilig akong magsulat ng mga inspirational stories, ako rin ang gumagawa ng Journal namin dito (Singles for Christ member ako)

Hopefully makagawa ako ng compilation ng mga inspirational stories at ipapublish ko.

salamat!! Teka if you have time try to check my blog site: http://akingkwarto.blogspot.com/

Thank you and God Bless

Spike

 

 

 

 

“It is better to be a good nobody than an evil somebody.” -From the Movie Igor

by talulot on November 13, 2008 - 10:26pm

singles for christ ka pala!!! astig! nagkaroon na ba kayo ng sfc ablaze conference?

katatapos lang namin. kapagod. pero sulit kasi ang galing ni LOrd!

brother pala kita. sana magkita tau sa ICON! sa Cebu!

 

natutuwa ako sa post mo!!!! magpagamit ka lang sa Kanya sa pamamagitan ng pagsulat! 

"hinahangin ang talulot na malaya, mula sa bulaklak na sinta hanggang sa matabang lupa.. siya ay ligaya, musa ng pagkadakila.."

by talulot on November 13, 2008 - 10:30pm

singles for christ ka pala!!! astig! nagkaroon na ba kayo ng sfc ablaze conference?

katatapos lang namin. kapagod. pero sulit kasi ang galing ni LOrd!

brother pala kita. sana magkita tau sa ICON! sa Cebu!

 

natutuwa ako sa post mo!!!! magpagamit ka lang sa Kanya sa pamamagitan ng pagsulat! 

"hinahangin ang talulot na malaya, mula sa bulaklak na sinta hanggang sa matabang lupa.. siya ay ligaya, musa ng pagkadakila.."

by spike_west on November 22, 2008 - 1:38pm

San ginanap yung sa inyo? Kami sa Qatar gaganapin, gusto ko sanang pumunta kaso busy sa work eh!!

Sana nga kita kita tayo sa ILC (Icon ba tawag du??)  

My Personal Blogs:

Mga kahanginan ng utak ko:

http://utaknidrake.blogspot.com/

Kwentong nagbibigay inspirasyon:

http://akingkwarto.blogspo

by talulot on November 23, 2008 - 1:31am

kami nga ang last eh. ang saya spike! yep ICON na ang tawag dun. check mo  details sa sfcglobal.org/icon  

sa cebu iyon ha.. oo nga kita tau dun! 

naku para akong na-excite!

"hinahangin ang talulot na malaya, mula sa bulaklak na sinta hanggang sa matabang lupa.. siya ay ligaya, musa ng pagkadakila.."

by ruth_mostrales on November 7, 2008 - 12:51am

 

Salamat sa post mo.  Nakaka-inspire nga talaga siya.  Sa hirap ng buhay ngayon, kailangan natin ng makakapitan, at nawa'y huwag tayong bibitaw sa Kaniya.  :)

 

Ruthie

by Ailem23 on November 9, 2008 - 7:00pm

ang ganda naman nito kuya.... nagustuhan ko siya... sana lahat ng makabasa nito maliwanagan sa lahat ng doubt nila sa pagmamahal ni God sa ating lahat...

ingatski,

melay 

by spike_west on November 9, 2008 - 7:04pm

Miss na miss na kita melay!!!! Pa hug ngaEmbarassed heheheh!!

Salamat sa komento.....

 

“It is better to be a good nobody than an evil somebody.” -From the Movie Igor

by JoSantos on November 10, 2008 - 9:56am

Posing a question back at us is a more sensible and optimistic attitude, before even voicing them out.

Pero marami pa ring tanong ang parang walang kasagutan...  at diyan tayo nabubuhay sa mga tanong... 

Good writing.

by love on November 13, 2008 - 10:09am

 

 

Spike "ganda" ng mga punto mo dito. Sana ay mabasa ito ng mga kapitbahay naming banal na aso, ng kaibigan kong nagtangkang magpakamatay dahil sa mabigat na problema, at ng isang kakilala na may matinding hinanakit sa kanyang mga magulang at sa buhay na kanyang nalalasap sa ngayon. 

Praise the Lord sa mabubuting hangarin niya para sa'tin. Godbless spike.

by spike_west on November 13, 2008 - 2:04pm

Sana nga marami pang makabasa nyan, para maintindihan natin ang nangyayari sa buhay natin.

 Sana nga makatulong yan sa mga kakilala mo.

 

Ingat

Spike 

 

My Personal Blogs:

Mga kahanginan ng utak ko:

http://utaknidrake.blogspot.com/

Kwentong nagbibigay inspirasyon:

http://akingkwarto.blogspo

by jonsdmur on November 13, 2008 - 8:37pm

Salamat sa iyong naibahagi sa amin... Ang galing mo yata sa mga kwentong inspirational? MInsan ko na ring naitanong sa aking sarili yan... at medyo naliwanangan ako ngayon.... Sige ipagpatuloy lang brother.... Ingats....

Jonsdmur

by jealousy29 on June 18, 2009 - 10:29am

kuya spike galing mo!!!! now mas naliwanagan ako...salamat at sumulat ka ng ganito lalo kong napatunayan kong gano ako kamahal ng diyos

maraming maraming salamat po!!!

 

ngat po

by spike_west on June 18, 2009 - 2:15pm

Buti naman at nahalungkat mo pa yung mga sinulat ko dati.

Maraming Salamat sa pagbasa

Ingat

Spike 

My Personal Blogs:

Mga kahanginan ng utak ko:

http://utaknidrake.blogspot.com/

Kwentong nagbibigay inspirasyon:

http://akingkwarto.blogspo

by jealousy29 on June 18, 2009 - 2:31pm

kaya lang po now lang ako nakakapagcomment...

now ko lang po kasi naverify ang account ko d2...

ngat din poh............Smile