Ang laki sa layaw

karaniwa'y hubad-

mabuti pa si Tarzan

me konting bahag.

Si Donya Rosario,

mas lalong mabuti-

ang lahat ng terno,

tadtad ng brilyante.

Konting bato,

konting semento-

monumento!

Pero walang umento,

walang memento

si Karyong Kantero.

Jhon and Marsha

sa Amerika-

kaya ikaw, Jhon

magsumikap ka!

Juan at Maria

diyan sa pabrika-

magsumikap man,

aasenso ba?

Ako'y tutula,

makatang makata.

Ako,y sisinghot,

benteng kulangot.

Ito'y babala

ng dalitang-dalita-

ang wala kahit kusing

kakapit s apatalim.

One two

One two three

One two three four

let's go!

Yelo,

malamig-

pag natunaw,

tubig!

Tingting,

manipis-

pag binigklis,

walis!

Piyon,

patapon-

pag nagtipon,

unyon!

Mangmang

ay bulag-

pag namulat,

kidlat!

Dukha'y

tahimik-

pag nagalit,

lintik!

Bayang

busabos-

pag kumilos,

unos!

COMMENT:

Bumabalik ang mga alalaa sa aking isipan nung akoy musmos pa! Mga tulang kalye na aking nakagisnan, madalas sa biruan napapakinggan, mga salitang pinagsamasama para makapagpaligaya, yun pala'y may mabuting mensaheng dinadala!