Ikaw ang haligi ng bawat tahanan

Batas ang bisig at ginto ang pangaral

Siyang responsable sa lahat ng bagay

Sa hirap't ginhawa ay subok ang husay

Pasan ang pamilya sa iyong balikat

At ilipad mo sa pakpak ng pangarap

Nasa iyo rin ang ikapapahamak

Kung maling direksyon ang yong tinatahak

At sa ganid namang, kung sa papalarin

Ay siyang tanggulang matapang, magiting

Hindi papayag na sa dugo at pawis

Ay tatapaktapaka't siyang hahamakin

Iyan ang ama na sa bawat tahanan

Ay tinitingala at hinahangaan

Amang sa twina ay kay sarap kapalad

Ng inang siyang ilaw naming tanglawan

Ngunit naglaho ang tayog ng paghanga

Si amang matikas ay napariwara

Ano't ang pamilya'y mistula ng giba

Kaibigan, bisyo't babae ang inuna

Inom dito inom don buhay binata

Ang ilaw nasa bahay nakatunganga

Uuwing lasing galit pa't magwawala

Parang sira ulo kung sansan hihiga

Hindi pa nakuntento sa pagbarkada

Inom, yosi, sugal, babae, topada

Lustay ng lustay ng perang kinikita

Kaya gutom ang inabot ng pamilya

At nilubos na nga ang pagkakasala

Namunga ang binhi ng pangangalunya

Anga tahanang matibay, tuluyang nagiba

wala ng haligi lahat ay nawala

Kung abot sapitin ng bawat tahanan

Agad guguho kung marupok ang kalang

At ang ilaw mang sakdal sa pagsisikap

Ay malalanta ri't kalinga ang hanap

At pagkadami mang padre de pamilya

Ay piling pili lang ang tumatalima

Sa sinumpang pangakong sa twi't tuwina'y

Mabuting ama sa hirap at ginhawa.

Hayyzzz.....

wag sana kaung matulad

sa aking tula,,,,...