Ngayong gabi

Pinatay ang wika

Binigkis ang kamay at paa para di makaalpas

Tinusok ang mga mata upang walang makita

Binusalan ang bibig upang hindi makasigaw

At dahan-dahang itinarak mula sa ulo

papuntang lalamunan

hanggang puso

ang espada ng ibang kamalayan.

Pinatay ang wika ng mga taong nagsabanyaga

(Ngunit habang ito'y isinasagawa

Malinaw sa isip ni Wika

Na magbabalik at muling mamayagpag.

Panahon ang magtatakda!)