sinasabi ko na

sa oras ng aking pahinga 

sa tanghaling init

ang aking pamaypay

ay iyong diwa

sinasabi ko na

na sa pagpatak ng alas-dose

ihihimlay ko ang aking gunita

sa kama ng ating bawat sandali

magmimistulang parang  tupang

humihiyaw sa alapaap

ang linya ng iyong mukha

nais ko syang sungkitin

at gawing unan sa aking pagtulog

ang tinig mo' y parang hele

banayad sa aking pag-idlip

ang titig mo at kabuuan

ay kinuyom ko sa aking palad

at tinapat sa dibdib..

at syang naging mahinhing hanging

sa sandali ng aking pagtahimik

ang dahilan ng aking pagpikit

ang dahilan ng pagyakap sandali

sa kawalang malay sa haplit na dilim..

matapos ang labinlimang minutong

hiningi sa aking amo

salamat sa pagsalo mo

sa pananghaliang ang tanging gusto

ay sa panaginip, kahit sa panaginip 

magkasalo tayo...... 

talulot- a raw literature, innocent poetry...