PANAGINIP
Kinang ng bituin, patak ng ulan
Sikat ng araw sa maambong kalangitan
Daloy ng alon sa tuyong karagatan
Bilog na buwan sa katanghalian
Kay tamis na ngiti sa bawat patak ng luha
Malinaw na ala-ala sa madilim na gunita
Tagumpay sa mga bigong pangarap
Wala ka sa piling ko ngunit kayakap
Naroon ka, habang ako ay narito
Ladas natin kailan man di magkatagpo
Ikaw ang syang ligaya sa buhay ko
Subalit para sayo, ako nga ba’y kailangan mo
Sa paniginip ko naroon ang saya
Tuwa sa puso ay walang mapagsidlan twina
Pagkat kapiling ka’t kayakap sa magdamag
Dilim ay di alintana dahil ang paligid ay kay liwanag
Subalit sa bawat pag-mulat ng aking mga mata
Luha ang sasalubong, pagkat sa tabi ko ay wala ka
At muli pipikit na lamang upang doon ika'y hanapin
Dahil wala akong ibang nais kungdi ika’y mapasakin
Hanggang kailan puso ay maghihintay
Na iyong mabatid na pag-ibig para sayo ay tunay
Dahil nga ikaw lang ang nais kong karamay
Sapagkat para sa akin, ikaw ay walang kapantay
Panaginip doon ka kapiling
Panaginip doon ikaw ay akin
Panaginip doon ako ay mahal mo rin
Mga bulaklak sa hangin, bituin sa lupa ang katapat
Ulap sa langit sa dagat ay nakalapat
Huni ng ibon sa ilalim ng lupa’y akin pang naririnig
Panaginip na nga lang ba ang lagi kong kaniig?
Lemmor Setneuf
Bago pa lamang ako sa Filipinowriter.com kung kilan pa ako nalayo sa bansang Pilipinas ay doon ko pa natagpuan ang site na ito... Ang "Panaginip" ay naisulat ko taon-2005 pa... gusto ko lang syang maging aking panimula dito sa site na ito...
Lemmor Setneuf
» login to post comments | 895 reads
Salamat!
Submitted by Lemmor Setneuf on June 11, 2011 - 7:46pm.
Salamat sa pag-welcome!
-Lemmor Setneuf-
"Ano nga bang halaga ng Tag-araw sa Puso Ko, kung wala ang init ng iyong Pag-ibig na papawi sa lamig ng Tag-ulan?"
mula sa komiks
» login to post comments
tuloy ka sa loob ng FW, pare ko...
Submitted by tbdtbd925 on January 10, 2011 - 2:18am.
gawa ka pa ng marami...
naaalala ko nung teen-ager pa ako, ganyan din ang estilo ng mga tula ko...
» login to post comments
salamat....
Submitted by Lemmor Setneuf on January 11, 2011 - 12:14pm.
salamat sa pagpapaunlak! nag edit nga ako ng ilan kong mga gawa dati at iyong mga bago kung gawa... marami na rin kasi akong aral na nakuha dito sa site, mula ng mag-basa ako ng mga sulatin...
muli salamat!
"Ano nga bang halaga ng Tag-araw sa puso ko, kung wala ang init ng iyong Pag-ibig na papawi sa lamig ng Tag-ulan?"
mula sa komiks....
» login to post comments
may mga bagay bagay na
Submitted by 5182EiDiDiFy on June 8, 2011 - 7:40pm.
may mga bagay bagay na sadyang sa panaginip lang talaga pwede... doon lang maari, doon lang magaganap.
kaya minsan kay sarap managinip...
pero kailangan pa rin natin gumising, at harapin ang katutuhanan ng buhay ay harapin ito ng buong puso.
nice one!
maharot, malikot titik sa aking tuktok!
» login to post comments
Salamat sa pagbasa at
Submitted by Lemmor Setneuf on June 11, 2011 - 7:52pm.
Salamat sa pagbasa at komento!
Nagising na ako mula sa isang panaginip, matagal-tagal na rin. Masaya sa napiling pag-ibig, namumuhay ng maligaya at payapa. Kapiling ang isang sadyang para sa akin... akin lang.
"Ang ating liwanag ay muling lalamunin ng dilim na ating binasag!"
- Lemmor -
» login to post comments
ok sya
Submitted by Starblaze on June 10, 2011 - 12:02pm.
Maganda ang tula mo Rommel Barral Fuentes...
Starblaze, Dakilang mangingibig, malikot ang isip (at kamay)
» login to post comments
Salamat Starblaze!
Submitted by Lemmor Setneuf on June 11, 2011 - 7:57pm.
at.... Rommel Barral Fuentes talaga.
minsan masarap baliktarin ang bagay-bagay upang mas lalo itong maipaliwanag ng maigi... principle ko ito sa pagtuturo, ginamit ko na rin sa aking pangalan.
"Ang ating liwanag ay muling lalamunin ng dilim na ating binasag!"
- Lemmor -
» login to post comments
Tama ka
Submitted by Starblaze on June 13, 2011 - 9:36am.
Tama ka.. minsan kahit sa pag-ibig masarap ang baliktaran..kung sa highway merong speed limit sa pag-ibig meron din...sa pag-ibig daw ang speed limit ay hanggang 68 lang kasi pag lumagpas ng 68..babaligtad na yun...hope you get my point hehehehe!
Starblaze, Dakilang mangingibig, malikot ang isip (at kamay)
» login to post comments
Copy and noted with
Submitted by Lemmor Setneuf on June 13, 2011 - 2:48pm.
Copy and noted with point! kuhang-kuha...
"Ang ating liwanag ay muling lalamunin ng dilim na ating binasag"
» login to post comments
welcome sa site!
https://dyeppri.wordpress.com/
"libog lang ang dahilan ng lahat kung bakit andidito ako..."