Si Poldo ay hindi naiba ang kalagayan sa ibang mga manunulat. Mas masahol pa ang mga nangyayari sa ibang mga manunulat kagaya niya, na nais maiwasto ang mga kamalian sa lipunan at ituwid ang baluktot na pamamalakad ng mga kinauukulan. May mga namamatay dahil sa mga pagtuligsa sa mga kamalian sa lipunan at nawalan ng hustisya ang kanilang pagkamatay.

   Ngunit, bilang isang manunulat nahihirapan siyang ipamukha ang mga katotohanang gusto niyang ipamukha sa mga mambabasa. Sapagkat sa pagdaan ng panahon nag-iiba ang preference ng mga tao sa kanilang mga binababasa. Bilang isang manunulat kung nais ni Poldong kumita at makatulong sa kanyang pamilya kailangan niyan sumunod sa mga TASTE ng mga mambabasa. Mahirap para sa mga manunulat ang kumita. Lalo nat naapektuhan pa ng pagbabago ng iniikutang lipunan ang kanilang hanapbuhay. Dahil sa mga pagbabagong ito nahirapan at lubos na naapektuhan ang buhay ni Poldo at ang pakikitungo niya sa kanyang pamilya, na ngayo'y mistula ng isang malamig na bato ang samahan nila

   Mahirap talaga para sa mga manunulat ang hulihin ang gusto ng masa. Lalo na ngayon, sawa na ang mga Pilipino sa paulit-ulit na kaguluhan lalo na sa pulitika. Sawa na ang mga tao sa mga bangayan at sa mga dayaan ng mga pulitiko't pulitika. Mahirap talaga ang buhay ng isang manunulat gaya nga ng sabi ko paiba-iba ang kagustuhan ng mga tao. Isang magandang halimbawa nito ay ang katulad ng kay POLDONG MANUNULAT na napilitang mag-iba ng GENRE sa kanyang mga sinusulat.