Isang araw sa aking pag-iisa
nakatingin ako sa malayong wala
naglalakad sa mundong lahat ay abala
patungong kanya-kanyang direksyon nila

Isang araw sa aking pag-iisa
nasalubong at nakilala kita
sa maraming bagay tayo'y magkaiba
ngunit sa aking tabi ay nanatili ka

Minsan isang araw sa aking pag-iisa
mga puso natin pareho ng nadarama
sabi mo handa kang akoy makasama
sa hirap, ginhawa, lungkot at ligaya

Minsan isang araw sa ating pagsasama
naranasan kong maging masaya
nangarap at nag-asam ng magandang umaga
mga bukas na haharapin nating dalawa

Isang araw sa ating pagsasama
nakaya kong ngumiti sa kabila ng problema
naging matatag dahil kasama ka
hawak ko ang iyong kamay sa pakikibaka

Isang araw sa ating pagsasama
hindi nagtagal ang iyong nadarama
hanggang iniwan mo akong mag-isa
lahat ng binigay koy kulang pa pala

Isang araw sa muli kong pag-iisa
hindi maiwasang minsay maalala ka
ang lahat ng nagdaan sa ating dalawa
ay sadyang malinaw pa sa aking gunita

Isang araw sa aking pag iisa
abala muli sa paggawa ng maraming wala
sana wala na lang muling makilala
sana wala na lang muling makasalubong pa

Isang araw sa matagal ko nang pag iisa
natanggap ko ang adya ng tadhana...
nasanay na rin akong walang kasama
tama na rin kaysa muling masaktan pa.