Sa Muling Pagputok
Danny Diaz/dodie
29 Dec., '09

Lumipas na  naman
ang  araw  at  buwan,
Taon  na  dadaan
panibagong  laban.
Kung  mahihirapan
sana'y  makayanan,
Kasama  ka  mahal
na  aking  hinintay.

Sa  Iyong  pagbalik
sulit  na  ang  inip,
Aking  pananabik
sarap  ang  kapalit.
Mga  panaginip
di  na  kathang  isip,
Ang  ating  daigdig
lagi  muna'y  silid.

Kapag  nakapiling
tunay  na  ang  aliw,
Wala  man'g  lutuin
sabay  sa  pagkain.
Kahit  umagahin
ating  uulitin,
Hindi  mabibitin
parang  nasa  hangin.

Sa  lakas  ng  tunog
nginig  man  ang  tuhod,
Hindi  matatakot
sabay  magpasabog.
Palad  nuo'y  dakot
pareho  nang  tukod,
Sa  muling  pagputok
ikaw  ang  kayupyop.

... DcD/dodie