Pagod ang katawan sa buong maghapon
Buong araw ang ginugol na panahon
Sa trabaho na puno ng tensyon
Kaya dapat ibaling ang atensiyon

Malalim na naman ang gabi
Dilat pa rin sa isang tabi
Tila pusa na di mapakali
Tayo, upo sa bawat sandali

Dinig na ang tilaok ng manok
Tanaw na ang araw na paputok
Liwanag ay handa ng manubok
Walang magawa kundi ang maghimutok

Mamayang gabi babawi na muli
Pagkatapos ng mahabang pagmumuni-muni
Iisipin ko na lang lagi
Kapiling ka at nasa ‘king tabi

Bubuo ng imahe sa balintataw
Ito’y paraan upang abot tanaw
Sikatan man ng hating araw
Gabi ko’y ‘di gaanong mapusyaw