sa mata ng isang paslit

itong paligid

niya'y palaruan

sa gitna ng usok, aso'

at bulubnduking dumi

paraiso ang dampang mumunti

at ang liksi dito binbuhos

sa paghuhukay, pag-asa

kapit kamay hinahaplos

sa mata ng mga paslit

laro ang paghihikahos

parang tagu-taguan

'Pong' kung ulam ay matagpuan

'Taya"  kung wala -pagkalam ng tyan

Parang patintero sa lawak ng daan

isa-isang nag-uunahan

sa pagtuhog ng basurang

sa buhay nila'y tangan

sa isang sako o isang supot

sa butas nilang saplot

sa madurungis na mukha

sukdulan lang ang paghiyaw

kapagdaka'y sasayaw

dahil sa balintataw

kapiling nila

ang paraisong

ikinubli ng mabahong pananaw....

----isang pagdalaw sa sta.lourdes, sanitary landfill

october 3, 2008