sa totoo lang
kahit na tumatawid sa overpass
umuulan, madulas ang hagdan,
at nakikita ang mga magkapares
nakaalalay sa isa't isa...
sa totoo lang,
kaya naman na magpanggap
na hindi pag-asam
ng iyong presensya
ang nararamdaman.
na hindi,
'sana, sana andito ka
nakaalalay, para di ako madulas
habang umuulan,
habang tumatawid sa overpass
sa gitna ng sampu, sandaang
magkahawak-kamay,
magkaalalay...
habang ang tanging nakadikit sa palad ko
hawakan ng payong.
payong. panlaban sa basa
ngunit hindi sa lamig...
at lalong hindi sa pag-iisa.
-auau
-also posted in
» login to post comments | 255 reads
