Salamat sa iyo

sa iyong pagturo,

sa mga bagay-bagay

dito sa mundo.

Isa kang halimbawa

ng bayaning moderno,

tumutulong sa kapwa

na walang hinihingi na kung ano.

Isa kang tulay ng isipan

ng mga batang walang alam,

puso mo'y nakalaan

para sa kanilang kinabukasan.

Heto ka't nagtuturo

kahit kanino,

talo mo pa

ang isang kandidato.

Ikaw ang nagbigay

ng liwanag sa buhay,

sa mga batang walang malay

ikaw ang naging gabay. 

Tunay ka kung magturo

minsan nga'y nakikipaglaro,

sa mga bata'y mapagbiro

kahit luha mo ay tumutulo.

Tingnan mo kami guro

taas noo kahit kanino,

iyan ay dahil

sa pagtuturo mo.

Hindi ka maikukumpara

di maaalis sa ala-ala,

dahil ikaw ang dahilan

kaya kami nagkaroon ng pag-asa. 

Tunay kang dakila

tunay kang makata,

tunay ka kung magmahal

sa iyong kapwa.

Kaya sana'y makita mo

at marinig ang tula kong ito,

Pagkat alay ko lamang ito

sa isang katulad mo.

Sana'y marami pa

ang iyung mapasaya,

kahit kapalit nito, ay luha

sa paglisan nila. 

Kaya aking guro

sana'y maging masaya ka,

kahit na minsan

ay nahihirapan na.

Huwag niyo sanang ipagkait

ang natutunan niyo ina't ama,

bagkus ay ituro

ito sa darating pang mga bata.