sa mga panahong iyon, wala siyang karamay

naghihintay ng makakabalikat sa oras ng problema

Hindi man batid ng kanyang mga kaibigan,

siya'y nagdurusa sa sinapit niya sa kanyang unang pag-ibig

galak at ngiti ang matatanaw sa kanyang labi

ngunit sa kanyang mata'y matinding emosyon ng damdamin

Hindi man alam ng lahat, siya'y may puso din, marunong umibig

masaktan at mabigo

Muni-muni'y ginagawa sa oras ng gabi

palahaw niya'y dinig hanggang buwan

bituin sa langit siya lamang kasundo

pagmamalasakit ng kaniyang kaibigan di niya maramdaman

pinagkakaisahan ng mga problema

ninais kitilin ang buhay

nagbalak ibalik sa Poon ang hiram na buhay

ngunit naalala niya ang mga salita ng kanyang amang yumao

"sa mga araw na ika'y walang malalapitan, Diyos ang iyong harapin

sa mga pagsubok niyang maliliit na iyong inirereklamo, ika'y bibigyang solusyon kaagad.

Ang Diyos malawak ang isip, hindi gaya natin

tao lamang tayo, siya'y Diyos, mas marami siyang alam na maganda 

kaysa sa ating lahat.

Ang Diyos, kung magbigay ng suliranin, tila ika'y mapabibitiw

Ngunit heto Siya, nagbibigay ng tulong nang hindi mo nalalaman. "