maaari nyo akong batuhin ng bato, pero hindi pa rin ako iiyak. Maaaring mapaisip ako bakit ganoon...marahil, may nagawa ako na hindi ninyo nagustuhan. Maaaring nasaktan ko kayo, one way or another. Pero isang tiyak, malaking bahagi noon ay hindi ko sinadya. I won't make excuses like, "tao lang ako, hindi ako perpekto." Gasgas na ang ganitong mga katwiran, at sa pelikula na lamang ito uso.

Hindi ako bato. Pero sinadya ko na huwag mag-invest ng too much emotions sa mga nangyayari sa buhay ko. Lipas na ako sa panahon na maaari pa akong magpakalunod sa sama ng loob. Dumaan na ako sa ganitong yugto ng buhay. Hindi ko na maaaring balikan. Hindi na ako maaaring manghiram ng mga ganitong sandali't pagkakataon.

Sa mga nagawa ko, ipag-paumanhin sana ninyo.