STP at BHB
Normal 0 false false false st1\:*{behavior:url(#ieooui) } /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0in 5.4pt 0in 5.4pt; mso-para-margin:0in; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-fareast-font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}
STP at BHB
ni Dap-ay Sapata
07 Pebrero 2008
Pritong tuyo sa umagang makulimlim
Paglipas ng yapos ng hamog at hangin
Kalulwa’y ginapos, sakal na taimtim
Ngayo’y lalasapin alat at sinaing.
Kumalat na patak, sanlibong lagapak
Sa hapag ng kalupaang tuyo’t bitak
Wari’y ginuhitan ng sanlibong yapak
Silang mga nilalang na hawak ay tabak.
Nakasabit sa ilalim ng arawan
Ang SERVE THE PEOPLE at BAGONG HUKBONG BAYAN
Sa nakatiwangwang na taling sampayan
Sa bakuran ng kawal na luntian.
Natuyong mga bakas ng pagbabalikwas
Tumutuklas sa mga sangkap ng paglakas
Ikaw, tayo, doon ating mamamalas
Ang samyo’t batas ng makulay na bukas.
Nabasang kasuota’t pawis sa bisig
Sinaid ng katawang laya ay ibig
MAKIBAKA! Ang kanilang bukambibig
Lipunan at tahanan ng mangingibig.
Kulay lupang dahon, humalik sa lupa
Kabataang alay sa pagkadakila
Bakit nga ba tayo hindi pinagpala?
Gayong mga kataga sa ati’y nagmula.
Panggatong sa kusina, buhay tinapa
Ano ang tungkulin sa pakikibaka?
Nang usok, apoy, liyab ng pagaalsa
Magliyab ka sana kung ako’y matumba.
Siklo ng panahon, bayang pumalaot
Tatak, panata sa sampaya’y bumalot
Nabasa, natuyo’t muling isusuot
Paglilingkod sa masa’y ‘di malilimot.#
isang magandang halimbawa
Submitted by rom26factolerin on November 16, 2008 - 11:41pm.
isa ito sa nais kong puntuhin sa pakikipagtalo sa kabilang thread ng diskusyon na matatagpuan dito: http://www.filipinowriter.com/ang-tunay-na-tula-bow?from=50&comments_per_page=50#comment
na ang tula ay di lamang nagsisilbi para sa pansariling kapakanan, bagkus nagiging mas lalong dakila ito kung ang tula ay napapatungkol sa pagsisilbi sa kapwa at bayan.
kung isasakatauhan ito magmimistulang Jose Garcia Villa sa isang banda at Amado V. Hernandez naman sa kabila. parehong magaling ngunit magkaiba ng layunin sa panulaan.
salamat sa ehemplong tula na ito. ngayon sinong magsasabing hindi tula ito?
maaring sabihin ni Villa na hindi ngunit sasabihin naman ni Ka Amado na oo.
check out Black Orchid Part 2 on: www.blah-blahblogs.com
The poem was great! Okay po!
The poem was great! Okay po!