Isang gabing kamunduhan

Sa pagitan ng dalawang nilalang

Binuo nila ang kawalang muwang

Na dulot lamang ng kabihasnan

Pinunit ng lalaki

Ang kinabukasan ng babae

Sapagkat ito ay nagpaubaya naman

Ninamnam nila ang tamis ng bawal

Isang gabing hindi maliwanag ang bukas

Basta bahala lamang ang naisambit nila

Pagkat mahal daw nila ang isa’t isa

Ang pag-ibig ay hindi hangal

Sa paglipas ng araw

Ay maraming ng nag-iba

Ang tamis ng kanilang pagmamahalan

Katulad na ng pulot na napag-iwanan

Ang di niya namalayan may anghel na sa kanyang sinapupunan

Pagkat sa batang tulad niya

Walang muwang sa laban ng buhay

Sa puso niya ay may takot rin

Sa sumbat ng Ama’t Ina niya

Sa puna ng kaibigan at paaralan niya

Sa pintas ng taong walang alam sa laban niya

Ang anghel sa kanyang sinapupunan

Ay inalinsa niya

Di man kayang tanggapin

Ngunit pinilit niya

Ang anghel na pinagkaitan niya

Nang buhay sa mundong ito

Nang paningin sa kagandahan nito

Saka niya narinig ang tinig ng anghel

Sa pandinig niya ay bumibingi

May sumbat na himig ang awit nito

Ngunit wala siyang magagawa

Pagkat pagkakamali’y nagawa na niya