TULANG TOKSIK : isinuko kita sa langit
isinuko kita sa langit,
sa kandungang
banal inalay
ang latak
ng lunggating
balot sa
pagkukunwari
at hinamon ng
nalagas na panahon...
malutong ko pa ring
nauulinigan ang
halakhakang
natuyo sa balong
tinunaw ng
sagarang pagsimbuyo
ng isinumpang mga puso
sa mundong sakbibi sa
tuksong
labis-labis
sobra-sobra
bagama't hungkag
sa katuturan!
pumanaw na at inilagak
sa ulilang burol
ang awit na humugis
sa saliw ng iyong
kindat at mapanuksong
paglalambing...
kung saan man dumapo ang mga
pangakong inukit sa bawa't
punong naglaho sa kaparangan
ay di ko na itatanong ;
sapat nang sa dakong kahapon
ay dumaan ka ,
kinulayan at nahabag
sa aking pag-iisa,
isusuko ko na rin ang mga pangarap
na malanghap ay katuparan
ng matayog mong pagnanasang
makaharap sa pintuang
nakalaan sa tangan mong
susi at
ang pagharinawang sabay nating
tuklasin ang
mabubungarang hiwaga upang
ang dalamhati'y lumisan at
sa mga puso'y
magiging luklukan.
sumpa man.
nakatira sa los baños laguna at patuloy na minamatyagan ang kasalukuyang estado ng kalikasan. mahilig magluto, malamang malapit nang buksan ang kanyang FANG LA, not a chinese restaurant... isang karenderya sa tabi ng highway sa maahas... kain kayo.
tnx, adlesirc...
Submitted by paul h roquia on November 10, 2008 - 10:52am.
salamat sa pagpansin at sana nga marami pa akong mailuwal na aantig sa iyong maselang damdamin...
ELBI fellow
Submitted by rom26factolerin on November 10, 2008 - 11:48am.
uy taga ELBI din ako pag bukas na pa lafang sa FANG LA mo ha hehe...
check out Black Orchid Part 2 on: www.blah-blahblogs.com
sure !
Submitted by paul h roquia on November 10, 2008 - 1:54pm.
oi, hello! sure! kaya lang hindi pa nababakante ang gusto kong pwesto... saan ka dito? ako sa pleasant...
umali lang
Submitted by rom26factolerin on November 10, 2008 - 2:04pm.
sa Umali ako lapit sa UP nilalakad lang. nagbabalak din ako mag open ng business malapit sa UP yung tipong coffee shop na may bookstore, net cafe at art gallery in one. tapos may poetry reading at folk singer pag gabi. sana makaipon ng puihunan at masimulan.
check out Black Orchid Part 2 on: www.blah-blahblogs.com
harinawa!
Submitted by paul h roquia on November 10, 2008 - 2:08pm.
aba maganda yan... pag nagkataon makikipoetry reading din ako! harinawang malapit na yan!
pasyal rin sa www.anchafluconchuchu.blogspot.com
Masarap tumira sa LB..
Submitted by meanmissy on November 10, 2008 - 2:55pm.
masarap tumira sa ELBI maski na sasandali pa lang ang aming pag stay namin dito..malinis ang hangin kumpara sa maynila...back to basics kumbaga..
very true
Submitted by paul h roquia on November 10, 2008 - 7:32pm.
lalo na dito sa may amin halos bahagi na kami ng bulubunduking maria tungtungin... napakapresko!
wow