Sa isang kisapmata

naglakbay ang aking ulirat

at napadpad

sa isang ilang na gubat

ng mayayabong at matatayog

na kakahuyan

at ang lapag ay nasasapinan

ng banig ng mga lantang dahon

na nangagsisibulok,

makapal at nag-uudyok

ng masidhing lungkot.

Bumalik ang aking diwa

sa kasalukuyan

at bigla ay natuon

sa iyong kasalatan.

Mayabong at matayog man

ang aking kaanyuan,

may karimlang naglilimlim

sa aking kalooban

bunga nang iyong

tikom na paglisan.